彈珠機點玩？
如果睇到寫著 パチンコ/スロット/Pachinko&slot 的招牌，就係柏青哥店，可以直接入去。營業時間通常是 1000-2245。順帶一提店員很少會主動同客有交流(除非你未夠18歲/着校服)，夠厚面皮可以入去淨係借用垃圾桶或洗手間。
1. 揀機① (台選び)
一開始可以四圍睇下。 如果有喜歡的主題，就可以坐低開始玩。 ¥1/¥2/¥4機嘅內容完全相同，只係每粒珠嘅價值唔同。
介紹會寫中獎機率。
如果是 1/99，可以預期較短時間內中獎，但每次中的派彩自然少D。
初學者建議玩 1/79 or 1/99，遊戲體驗完全相同，可以用較少時間銅錢體驗中大獎嘅樂趣。(不過選擇可能會少啲)
2. 揀機② (台確保)
如果冇掛休息牌、個人物品（塑膠瓶、菸等），盤上冇珠，機裡面冇 IC 卡，就係空台，就咁坐低就玩得。
3. 入錢
機上有一個入銀紙嘅位，通常係上面。
4. 租球(玉貸)
螢幕會顯示剩餘嘅金額。 撳一次『玉貸』會出珠
5. 左打(左打ち)
扭右邊handle將珠射向中間個窿度(ヘソ、直譯肚臍)。每日一粒抽一次獎。
6. 右打(右打ち)
液晶顯示三個同樣數字即係中獎(111/777...)，部機會指示向右打。 初學者唔知幾時停，建議部機叫你向返左打之前一直keep住右打。（會蝕少少底浪費一啲珠，但比 V パンク/浪費中獎round好好多）
7. 出珠(玉抜き)
右打中獎時，會有好多珠出嚟，會卡到上面個盤滿曬。 有個掣(玉抜き)撳完會畀啲珠跌落下面個盤度。
計珠方法主流有三種類型↓
【紅色膠兜】【ドル箱】傳統嘅機 依家越嚟越少有
機下面會放過紅色嘅吉兜、下面個盆滿曬之後拉過拉掣就會將啲珠跌落紅色兜度、撳個掣『呼出し』叫店員嚟佢會幫你搞。
【Personal system】【パーソナルシステム】
下面個盆滿曬之後拉過拉掣就會將啲珠自動計數、可以喺屏幕度睇到自己有幾多粒珠。
【Smart Pachi】【スマパチ（スマートパチンコ）】*掂唔到實體珠
啲珠會喺密封嘅機入面循環。 持球數會以數字顯示。
8. 退却
玩完後，將上下盤所有珠計數後撳『退却』、部機就會出一張卡片(IC Card) 。
9. IC卡
IC 卡會記錄現金餘額和持球數。
如果部機係用【ドル箱】，撳個掣『呼出し』叫店員嚟話要結束、(可以講Finish/O wa li de、真係唔明拎手機翻譯)
佢會幫你拎啲珠去計算機，跟住畀張寫住幾多粒珠嘅收據你。
10. 餘額
將有餘額的 IC Card放入精算機就可以拎返餘額。 如果卡入面有還有珠，IC 卡會再次畀返你。
11. 兌換
拎IC Card/收據去counter兌換獎品。『 特別商品』可兌換現金。 其實乜都唔使講畀張卡佢店員都會主動兌換『 特別商品』，但會問你，『您要全部兌換嗎？』、答『zen bu de』、『hai』或『 OK 』都會明。 兌換完獎品後，如果仲有剩餘，店員會同你講有多少點數，你可以兌換一般商品，或者講『mo do shi』，將珠退回 IC 卡玩埋佢。
最近有啲舖頭開始用自助系統、插張IC Card入讀卡器度、跟住『 特別商品』就會自己彈出嚟畀你。
12. 交換『 特別商品』
舖頭附近一定會有一間兌換所
。 怕唔知喺邊嘅可以玩之前預先尋找，也可以跟著其他換完嘅顧客後面，如果您真的找不到，都可以間接咁詢問工作人員，『建議嘅出口係邊？音: o su su me no de gu chi a ri ma su ka?』
交換時完全唔使講嘢，放啲卡入類似銀行嘅櫃桶、拎返現金、確認金額就得。
有問題/唔明歡迎留言